බෞද්ධ සිද්ධස්ථානයක නටබුන් වන දාගැබ් වට දා ගෙයක නටබුන් ඇති මෙම ස්ථානයේ පුරා විද්‍යාත්මක වටිනාකම හදුනා ගත් 1917 දී යාපනය දිසා විනිසුරු ව සිටි පෝල් . ඊ . පීරිස් මහතා විසින් එවකට පැවති රජයට මේ බව දෑනුම් දීමෙන් පසුව 1917-1919 දක්වා කාලයේ කැණීම් සිදුකර ඇති බව සදහන් වේ. මෙම කැණිම් වලින් සොයා ගත් බුදු පිළිම ,වර්ණාලේපිත උළු කැබලි, හා කාසි අනුරාධපුර හා පොලොන්නරුව යන යුගවලට ත් 01 වන සියවසටත් අයත් වන අතර පලමුවෙනි පැරකුම්බා සහ මල්ල ,ලීලාවතී, බුවනෙකබාහු යන රජ වරුන්ගේ යුගවලට අයත් වු බව ප්‍රකාශිතය.
මෙම විහාර ස්ථානය මහනුවර යුගවල ලියවුන විහාර හා පූජා භූමි නාමාවලිය වන “ නම් පොත “ හෙවත් “විහාර අස්න“ හි “කදුරුගොඩ විහාරය “ලෙස හදුන්වා ඇත. මෙය පෘතුගීසි ලේඛනවල හදුන්වා ඇත්තේ “කන්දර්කුඩ්ඩෙයි“ යන නමිනි.
ක්‍රි ව නව වන සියවසේ හතර වන ක්‍යප රජු විසින් මෙම විහාරයට කරවන ලද ප්‍රධානයන් පිළිබදව මෙම ස්ථානය තුලින් සොයා ගනු ලැබු “ අත්තානේ ටැම් ලිපිය කරුණු හෙලි කර ඇත. මෙම ටැම් ලිපිය ක්‍රි.ව නව වන සියවසේද විහාරය පැවති බවට ප්‍රබල සාක‍්ෂියක් ලෙස සලකයි.
දහසයවන සියවසේ යාපනය පාලනය කල “ සංගිලි“ නම් ද්‍රවිඩ රජුගේ පාලන සමයේ කදුරුගොඩ විහාරය විනාශයට පත් කර ඇත.
කදුරුගොඩ විහාරය ක්‍රිස්තු පූර්ව යුගයේ සිට පැවති සිද්ධස්ථානයක් බවට අනුමාන කළ හැකි ය...තල්ගස් වටකර ගත් කන්තරෝඩෙයි නටබුන් බිම නිසලත්වයක ගිලී ඇත... තහවුරු කළ සමහර දාගැබ්වල ඡාත‍්‍රාවලි යළිත් ගලවා බිම දමා තිබෙන බව පෙනේ... මේවා ඉදිකර ඇත්තේ හිරිගල් සහ හුණුගල් උපයෝගි කරගෙන ය... ගල්මල්, කොරල් ගල් ආදිය සමහර තැන්වල මතු වී පෙනේ...බොහෝ තැන්වල දක්නට ලැබෙන කණු පාදම් ගල්වලින් පෙනෙන්නේ දැවවලින් කළ ගොඩනැගිලි තිබුණු බවකි... මෙම භූමියෙන් දාගැබ් කොත්, ගල්කරඬු, වීදුරු දැගැබ් කොත්, වාමන රූප,ගල්කණු කැබැලි, සිරිපතුල්ගල 16000 කට නොඅඩු පබළු බුද්්ධ ප‍්‍රතිමා කොටස්, බෝධිසත්ව ප‍්‍රතිමා, පුරාණ දේශිය සහ දකුණු ඉන්දියානු කාසි ආදි නෂ්ටාවශේෂ රාශියක් ලැබී ඇත... මෙම පුරාණ කෞතුක වස්තු යාපනය කෞතුකාගාරයේ ප‍්‍රදර්ශනයට තැබූ බව වාර්තාවල සඳහන් ය...
No comments:
Post a Comment