නොදුටු ස්ථාන සොයා යමින් ඒවා පිළිබඳ තොරතුරු සොයා බැලීමේ පුරුද්ද මිනිසාට ඇති වූයේ අද ඊයේ නොවේ. එයට ඇත්තේ මිනිසාගේ සම්භවයට තරම් ඉපැරණි අතීතයකි. ගවේෂණය වූ කලී මිනිසාගේ ජානවල තැන්පත් වූවකි. එබැවින් මේ පුරුද්ද අද ද මිනිසා තුළ දක්නට ලැබෙන්නකි. වර්තමාන සමාජය තුළ බොහෝ දෙනෙකු සංචාරයෙහි නොයෙදෙන්නේ ඊට ඇති අකැමැත්ත නිසා නොව ආර්ථික ගැටළු නිසාය. දේශීය වශයෙන් සංචාරයෙහි යෙදෙන්නට ද සෑහෙන මුදලක් වෙන් කළ යුතුය. නමුත් පවතින ආර්ථික ගැටළු ඉදිරියේ මෙය බොහෝ විට කළ නොහැක්කක් සේ පෙනේ. එහෙත් නොගොසින් නොසිටිය හැකි තැන් අප රටේ බොහෝ වෙයි. මියෙන්නට පෙර වරක් හෝ මේවා දැකබලා ගතයුතුය. ඒකාකාරී ජීවිතයෙන් මිදී මානසික ආතතිය අවම කරගැනීමට ද සංචාරය කිරීම මහඟු අත්වැලක් සපයයි. එසේ හෙයින් අපහසුවෙන් හෝ මුදල් සොයා මේවා බලන්නට අවස්ථාව සළසා ගතයුතුය. එසේ දැකබලා ස්ථාන පිළිබඳ සෙස්සන් දැනුවත් කිරීම තුළින් ඔවුන් තුළ ද සංචාරය කිරීමේ පුරුද්ද වගා කළ හැකිය. මේ සරල බ්ලොග් අඩවිය නිර්මාණ කළේ ඒ අරමුණිනි. අපගේ සංචාරක කණ්ඩායම සිරිලක සැරූ විවිධ ස්ථාන පිළිබඳ හැකිතාක් ඡායාරූප සහිතව මෙහි පළකරන්නේ ඔබගේ ද සංචාරක පිපාසාව තරමකට හෝ සංසිඳවීමේ අපේක්ෂාවෙනි. මේ ව්‍යායාමය පිළිබඳ ඔබගේ නොමසුරු අදහස් ද ලැබෙන්නට සළස්වන්නේ නම් අය අපව තවත් ධෛර්යවත් කරන්නකි. ඔබට ද සිරිලක පමණක් නොව මේ නිම්වළල්ලෙන් ඔබ්බට ද සංචාරයේ කරන්නට හැකිවේවා යන්න අපගේ පැතුමයි.

Thursday, May 15, 2014

ඉන්ද්‍රඛීලය හෙවත් අනුරපුරයේ අටපට්ටම් සෙල් ටැඹ - Indrakheelaya at Anuradhapura


අපි අනුරාධපුරේ ගිය වෙලාවේ මේක දැක්කේ අහම්බෙන්. අමුතු ගල් කණුවක හින්දා මම නිකමට මේක කැමරාවට අල්ලගත්තේ. පස්සේ තමයි විස්තරේ හොයාගත්තේ. මේ තමයි ඒ විස්තරේ.

රුවන්මැලි මහා සෑයේ උතුරු දොරටුව අසල අටපට්ටම් සෙල් ටැඹක් දක්නට ලැබෙනවා. අඩක් බිඳීගොස් ඇති එය දැනට පවත්නා කොටස අඩි 20යි අඟල් 4ක් උසින් යුක්තයි. මෙම නිර්මාණය පිළිබඳ විවිධ උගතුන් විවිධ අදහස් දක්වා ඇති අතර ඉන් එක් මතයක් වන්නේ මෙය ඉන්ද්‍රඛීලයබවයි. ඉන්ද්‍රඛීලය තුළින් බුදුන් වහන්සේ සතු අටලෝ දහම අභියස අකම්පිතවීම නිරූපණය වෙනවා.


පොතක තිබිලා තමයි මේ විස්තරේ ගත්තේ. මීට අමතරව මට තවම කිසි විස්තරයක් මේ ගැන හම්බවුණේ නැහැ. හම්බවුණොත් මේ විස්තරේ යවත්කාලීන කරන්නම්.

4 comments:

  1. Replies
    1. මටත් පොතක තිබිලා මේ විස්තරය අහුනොවෙන්න මේක අනුරාධපුරේ ෆොටෝ එකතුවේ නොදන්න පින්තූරයක් විදියටම තියෙන්න තිබුණා.

      Delete
  2. Me tharam aanuradhapure gihin thiyena mama tahwama meka dakala naha ne.

    ReplyDelete
    Replies
    1. ආයෙත් ගිය වෙලාවක නොවරදවාම බලන්න

      Delete